يا عـيـد

يـا عـيـد عـادت بـي تـبـاشـيـر الاعـيـاد
ــــ... تـعـزف عـلـى عـود المـواجع وترها
عــادت بـذكـرى كــم تـمـنـيـت لــو عـاد
ــــ... عـصـرٍ حواها آه ماحـلى عصرها
هـبــت تـثـيـر الـوجـد فـي روح مـعـتـاد
ــــ... عــلى لـيالي الـوجـد يامـا سهـرها
وش عاد ياذكرى هوى الامس وش عاد
ــــ... لـو طـال بايام الـسعـاده عـمـرها
ويــن الامـــانــي ويــــن الامـال بـالكـاد
ــــ... اليــوم في الاحـلام يـبـدو ذكرها
ويــن الحـصـون الـنـايـفـه ويـن الاطواد
ــــ... ريح الهجـر أعـفـت معالم اثـرها
ويــن المـجـامـع حـيـث تـشـتـاق الانـواد
ــــ... تـلقـي على سمع المحامل دررها

محمد خليفة بن حاضر المهيري