غموض

بـعـيـد و كـنـك أقـرب لي من رموشي إلى عيـني
ــــ... قـريـب و كـنـك أبـعـد مـن فـرح عمري إلـى قلبي
حنون و كنك أقسى من قسى وقتي على سنيني
ــــ... ولـكنـك وفـي و أوفـى مـن أوهــامـي إلـى دربـي
عـجـزت أفـسـرك وش مـيـزتـك وش فيك يغريني
ــــ... أجـي هـارب مـن الـغـدر و تـأمـنـي و تــغـدر بي
أجـي ظـامـي مـن أيـامي سراب منك تـسقـيني
ــــ... أبي أشرب تقول إشرب و أصدق كـذبك و كـذبي
أجي عاتب و في لحظة تغافـلـنـي و تـنـسـيـنـي
ــــ... و تـحسـسـني بأنـك تـعرف آلامـي و تـشعر بي
أبـرحـل عـنـك تـصـرخ لـي حـبـيـبي لا تخليني
ــــ... أبقرب منك ما أدري كيف أحس إنك وهم قربي
حـبـيـبـي دلـنـي ويـنـك أو إنــك دلـنـي ويـنــي
ــــ... تـرى مـا عـدت أمـيـز بين وجهة شرقي و غربي
أنـا جـيـت أبـتـدي عـنـدك و لا ظـنـيـت تنهيني
ــــ... و لا ظـنـيـتـنـي عـقـب الظـما أتبع وهم شربي

عتيج بن خلفون القبيسي